पथरी । मोरङको पथरी शनिश्चरे वडा नं. १ मा अवस्थित श्री शान्ति भुल्के सिमसार क्षेत्रमा आज विश्व सिमसार दिवस २०२४ मनाइएको छ ।
डिभिजन वन कार्यालय मोरङ र श्री शान्ति सामुदायिक वन उपभोक्ता समूहको आयोजनामा ‘सिमसार र मानव कल्याण’ भन्ने मूल नाराका साथ सिमसार दिवस मनाइएको हो । प्रदेश नं. १ का वन मन्त्री गणेश उप्रेतीको प्रमुख आतिथ्यमा कार्यक्रम भएको थियो ।
यसैगरी विशिष्ट अथिति पथरी शनिश्चरे नगरपालिकाका प्रमुख मोहन प्रसाद तुम्वापोले सिमसारले पर्यटन प्रवद्र्धनको साथै जीवनयापनको लागि महत्वपूर्ण योगदान दिएको बताउनुभयो । शान्ति सामुदायिक वनका अध्यक्ष कुलमणि गुरुङले सिमसार क्षेत्रको बारेमा जानकारी गराउनुभएको थियो । सो कार्यक्रममा सिमसार सम्वन्धी चित्रकला प्रतियोगिता पनि गरिएको थियो । चित्रकलामा प्रथम, दोस्रो र तेस्रो हुने प्रतियोगीहरुलाई प्रमाण–पत्र र शिल्ड, मेडल प्रदान गरिएको थियो ।
यस्तै धिमाल जातिको साँस्कृतिक नृत्य पनि प्रस्तुत गरिउको थियो । सो कार्यक्रमको रचनात्मक साझेदार एभरेष्ट आर्ट फ्युजन पथरी र ललितकला संगम विराटनगरले गरेको थियो ।
