पथरीशनिश्चरे । मोरङ पथरीशनिश्चरे नगरपालिकामा आँखा पाक्ने र डेंगु नियन्त्रण गर्नका लागि सरोकारवालाहरुसँग छलफल तथा अन्तरक्रिया कार्यक्रम भएको छ ।
मंगलबार नगरपालिकाको सभाहलमा भएको कार्यक्रममा नगर प्रमुख मोहन तुम्बापोको नेतृत्वमा उपप्रमुख देवीमाया काफ्ले, प्रमुख प्रसासकीय अधिकृत लक्ष्मीप्रसाद खरेल, स्वास्थ्यकर्मीहरु, प्रहरी, जनप्रतिनिधि तथा सरोकरवालाहरुको उपस्थितिमा छलफल भएको हो ।
कार्यक्रममा जिल्ला जनस्वास्थ्य कार्यालय मोरङका प्रमुख सुरेश मेहेताले डेंगु र आँखा पाक्ने रोग के हो ? र यसका लक्षण र बाच्ने उपाय बारे बताउनुभयो भने फोकल पर्सन उत्सव पोखरेलले रोगको विषयमा सहजीकरण गर्नुभएको थियो ।
डेंगु नियन्त्रण गर्नका लागि लामखुट्टे वास स्थान खोजी लार्भा नष्ट गर्ने अभियान तिब्र रुपमा संचालन भइरहेको र आँखा पाक्ने रोग नियन्त्रणका लागि शिविर संचालन गर्ने पथरीशनिश्चरे नगरपालिकाका स्वास्थ्य शाखा प्रमुख मुरारी आचार्यले जानकारी दिनुभयो ।
