लेटाङ्ग- लेटाङ्ग बहुमुखी क्याम्पसमा हालै सम्पन्न स्ववियु निर्वाचनमा आफुले विजयी प्राप्त गरे पछिको पहिलो कार्यक्रम अन्तर्गत अखिल नेपाल राष्ट्रिय स्वतन्त्र विद्यार्थी युनियन( अनेरास्ववियु) ले विरुवा गोडमेल गरेको छ । ।
अनेरास्ववियुले लेटाङ्ग बजार स्थित गंगे चौक दक्षिण लेटाङ्ग कानेपोखरी सडक खण्डको दायाँबायाँ रोपिएको विरुवा संरक्षणहेतु गोडमेल गरेको नवनिर्वाचित अध्यक्ष छवि श्रेष्ठले वताए ।
अध्यक्ष श्रेष्ठका अनुसार बजारको प्रवेश द्वार सौन्दर्यको उद्देश्यले रोपिएको उक्त विरुवा गोडमेल कार्यक्रममा लेटाङ्ग क्याम्पसमा अध्यनरत विद्यार्थीहरुका साथमा स्थानिय सामाजिक व्यक्तित्वहरुको समेत सहभागिता रहेको थियो । गोडमेल कार्यक्रम अनेरास्ववियुका मोरङ उपाध्यक्ष रुपेश खड्काको संयोजकत्वमा सम्पन्न भएको थियो ।
यहि चैत्र १३ गते सोमबार गोडमेल गरिएको विरुवा गत बैशाखमा सम्पन्न स्थानीय निर्वाचनमा निर्वाचित जनप्रतिनिधिहरुले कार्यपालिकाको आफ्नो पहिलो कार्य स्वरुप रोपिएको विरुवाहरु हुन् । नगरमा प्रवेश गर्ने अतिथिहरुलाई स्वागतका लागि रोपिएको विरुवाहरुमा अधिकांस फुलफुल्ने प्रजातिका रहेका छन् ।
अनेरास्ववियुले विगतमा समेत यस्ता थुप्रै रचनात्मक कार्यक्रम गर्दै आएको अनेरास्ववियु मोरङ उपाध्यक्ष खड्काले वताएका छन् ।
