पथरी । मोरङको पथरीशनिश्चरे नगरमा जारी ‘इन्ट्रा पथरीशनिश्चरे फुटबल प्रिमियर लिग’ को दोस्रो चरणको पहिलो खेल बराबरीमा टुङ्गिएको छ ।
सोमबार भएको खेलमा टेन नवोदय र वाईजीएफटी १–१ गोलको बराबरीमा टुङ्गिएको हो । दोस्रो हाफ पछि खेलको ४७ औं मिनेटमा जर्सी नम्बर २३ का मीन धिमालले एक गोल लगाएका थिए ।
त्यसैगरी खेलको अतिरिक्त समयमा वाईजीएफटीका जर्सी नम्बर १७ का सन्जय लिम्बुले १ गोल फर्काउदै खेललाई बराबरी बनाएका थिए ।
खेलको म्यान अफ दी म्याच बि एण्ड बी वाईजिएफटीका सन्जय लिम्बु घोषित भए । कार्यक्रमको प्रमुख अतिथि मोरङ जिल्ला फुटबल सघका महासचिव प्रकाश मास्केले म्यान अफ द म्याचको टफी र नगद हस्तान्तरण गरेका थिए ।
भोलि मगलबारको खेल वाई एफसी र शिखर एफसी बिछ हुने आयोजक कमिटीका सचिब मनि लुम्फुवा लिम्बुले बताए । यो संगै टेन नवोदयको ४ अक जोड्न सफल भएको छ भने वाईजीएफटीले १ अक जोड्न सफल भए ।
