शनिश्चरे । मोरङको पथरीशनिश्चरे– ४ मा ७० वर्षमाथिका ३ सय जना ज्येष्ठ नागरिकलाई सम्मान गरिएको छ । नगर उपप्रमुख यमुना विष्ट वास्तोला, ४ नम्बर वडाध्यक्ष गोविन्दबहादुर भण्डारी सहितले पुरुषलाई ढाकाटोपी र महिलालाई दोसल्लाले सम्मान गरिएको हो ।
आइतबार सम्मानित कार्यक्रममा उपमेयर बास्तोलाले ज्येष्ठ नागरिकको हक हितमा नगर र वडा सधै संवेदनशील भएको वताइन । वडा कार्यालयको ९१ हजार ६ सय रुपैयाँको बजेटमा वडा ज्येष्ठ नागरिक एकता समन्वय केन्द्रको आयोजनामा सम्पन्न कार्यक्रममा केन्द्रका नगर अध्यक्ष नेत्रप्रसाद दहाल सहितले मन्तव्य व्यक्त गरे ।
कार्यक्रम केन्द्रका वडा समिति अध्यक्ष गजेन्द्रबहादुर बस्नेतको अध्यक्षतामा सम्पन्न भएको थियो । ९० वर्षीय पदमप्रसाद शिवकोटी सहित ३ सय जना ज्येष्ठलाई सम्मान गरिएको थियो ।
