कानेपोखरी। नेकपा एमाले कानेपोखरी गाउँकमिटिले भदौ मसान्त सम्ममा सवै वडामा अगुवा कार्यकर्ता भेला र जनवर्गिय संगठनको कमिटि विस्तार गर्ने भएका छन् ।
शनिबार नेकपा एमाले कानेपोखरी गाउँकमिटिको अध्यक्ष दानबहादुर बस्नेतको अध्यक्षतामा बसेको बैठकले सो निर्णय गरेको हो । बैठकले ६१ जनाको गाउँ कमिटि सचिवलाय पनि गठन गरेको छ । गाउँ कमिटिमा १ सय ८१ जना सदस्य रहेको थियो । बैठकमा गाउँकमिटि सदस्य स्वर्गीय तेजबहादुर मगरको शोक प्रस्ताव पनि पारित गरेको थियो ।
कार्यकर्ता प्रशिक्षणमुलक बैठकमा नेकपा एमाले केन्द्रिय सदस्य तथ प्रदेश कमिटि सचिव विनोद ढकाले समय सामयीक राजनीतिक, केन्द्रिय कमिटि निर्णय र आगामी पार्टीको कार्ययोजनाको बारेमा बोलेका थिए । त्यसैगरी नेकपा एमाले जिल्ला मोर्चा विभाग प्रमुख तथा पार्टी जिल्ला सचिवलाय सदस्य रुपेश खतिवडाले केपी शर्मा ओली सरकारले गरेको जनपक्षियकामका बारेमा बोलेका थिए ।
जिल्ला पार्टी सल्लाहकार संयोजक ताराबहादुर काफ्ले र जिल्ला सचिवलाय सदस्य राजमती इङ्नाम, जिल्ला सदस्य भोला अधिकारीले सुम्कुम्बासी समस्या र आयोग विघटनको बारेमा, वडा र वडाको टोल टोलमा गई सवै जनवर्गीय संगठन विस्तार गरी मजवुद बनाउने बताएका थिए ।
कार्यक्रमको स्वागत मन्तव्य गाउँपार्टी सहसंयोजक सुशिल बुढाथोकीले गरेका थिए भने कार्यक्रम संचालन पार्टी सचिव चरण गुरुङले गरेका थिए ।
