ग्रामिण सुधार सामुदायिक वनले ११ हजार विरुवा रोप्ने - Pahilo Online

ग्रामिण सुधार सामुदायिक वनले ११ हजार विरुवा रोप्ने

writer

पहिलो अनलाइन

कानेपोखरी । मोरङको कानेपोखरी स्थित ग्रामिण सुधार सामुदायिक वन उपभोक्ता समूहले सात हेक्टर क्षेत्रमा बिरुवा रोप्ने भएको छ ।

बुधबार बृक्ष रोपन कार्यक्रम गरी औपचारिक उद्घाटन गरेको छ । उद्घाटन कार्यक्रममा कानेपोखरी गाउँपालिका प्रमुख ताराबहादुर काफ्ले, सामुदायिक वन उपभोक्ता वन महासंघको १ नम्बर प्रदेश समिति सचिव अग्नि पौडेल, मोरङ जिल्ला अध्यक्ष रामकृष्ण राई, डिभिजन वन कार्यालय मोरङका प्रमुख अनिरुद्र साहा, ग्रामिण सुधार सामुदायिक वन उपभोक्ता समूहका अध्यक्ष नवीन राई लगायतको उपस्थितिमा वृक्ष रोपनको उद्घाटन भएको थियो ।

 

उद्घाट कार्यक्रमको सभापतित्व ग्रामिण सुधार सामुदायिक वन उपभोक्ता समूह ३ नम्बर क्षेत्रीय समितिको संयोजक शेरबहादुर लम्बूले गरेका थिए ।
कानेपोखरी गाउँपालिका ६ सुन्तले उत्तरमा वृक्ष रोपनको लागि झाडी सफाई, रुखको पुरानो जरा उखल्ने, जोत्नुको साथै कंक्रिटको पिलरको खम्बा र जालिले सात हेक्टर क्षेत्र घेराबारा गरिएको छ ।

उक्त क्षेत्रमा साल, टिक, जमुन, फरिन, बेल, चाँप, रुद्राक्ष, अम्बा जातको १६ हजार विरुवा पोपिने ३ नम्बर क्षेत्रीय समितिको संयोजक शेरबहादुर लिम्बूले बताए । वृक्ष रोपनको लागि २१ लाखको योजना रहेको ग्रामिण सुधार सामुदायिक वनले जनाएको छ ।

 

कार्यक्रमको प्रमुख अतिथि समेत रहेका पालिका प्रमुख ताराबहादुर काफ्लेले विरुवा जगाउने कार्यक्रमा लाग्न उपभोक्ताहरुलाई अनुरोध गरेका थिए । पालिकामा वन ऐन बनिसकेको समेत जानकारी दिए । विषेश अतिथिको रुपमा उपस्थित डिभिजन वन कार्यालय मोरङका प्रमुख अनिरुद्र साहाले विरुवा चाँडो बढाउन मल्टी भिटामिन दिन र वृक्ष रोपन क्षेत्रमा दाल जातको खेति लगाए उत्तम हुने सुझाव दिएका छन् । —भरत लिम्बू (प्रशिक्षार्थी पत्रकार)

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई
  • प्रकाशक–सम्पादकः मोहन भट्टराई

© Copyright 2017 - 2021 Pahiloonline pvt ltd. All Rights Reserved.

Design / Developed by Thbytes