पथरी शनिश्चरे । मोरङको पथरी शनिश्चरे नगरले महिलाहरुको आङ खस्ने समस्या, अब्सट्रक्टिभ फिष्टुला, स्तन र पाठेघरको मुखको क्यान्सर सम्बन्धी जाँच गर्न भीआइए परीक्षण सम्बन्धी नर्सिङ कर्मचारीहरुका लागि २ दिने तालिम आज सुरु गरेको छ ।
स्वास्थ्य शाखाले नगर अस्पतालमा आयोजना गरेको तालिममा बोल्दै नगर प्रमुख दिलीपकुमार राई, उपप्रमुख यमुना विष्ट वास्तोला, स्वास्थ्य शाखा प्रमुख मुरारी आचार्य र शाखाका एकराज खत्रीले महिलाहरुको आन्तरिक समस्याको उपचारका लागि यसखाले कार्यक्रम उपयोगी वन्ने बताए । तालिमपछि वडा वडाका स्वास्थ्य केन्द्रमार्फत महिलाहरुको भीआइए परीक्षण थालिने भएको छ ।
इनरुवा अस्पतालकी स्वास्थ्यकर्मी अम्बिका मेहताले तालिमको सहजिकरण गरेकी छिन् । नगर मातहतमा रहेका नर्सिङ कर्मचारीहरुका लागि आयोजित तालिमको उद्घाटन शत्रमा नगरका प्रमुख प्रशासकीय अधिकृत लक्ष्मीप्रसाद खरेल, नगर अस्पतालका मेडिकल अधिकृत फरिन्दा गुरुङको सहभागिता रहेको थियो ।
