पथरी शनिश्चरे । मोरङको पथरी शनिश्चरेमा गठन भएको नेपाल स्काउटको तदर्थ समितिले आज नवनिर्मित २ नम्बर वडा कार्यालय परिसरमा फलफुलका विरुवा रोपेको छ । स्काउटको ७० औं स्थापना दिवशका अवसरमा स्काउटको नगर समितिको संरक्षक एवम् नर प्रमुख दिलीपकुमार राई, प्रमुख स्काउट एवम् नगर उपप्रमुख यमुना विष्ट वास्तोला, २ नम्बर वडा सदस्य पर्शुराम न्यौपाने सहितले बृक्षारोपण गरे । स्काउटको पहिलो कार्यक्रमस्वरुप २ नम्बर वडा कार्यालय परिसरमा आँप र लिचीका विरुवा रोपिएको र अन्य वडा कार्यालय परिसरमा यसै प्रकारको बृक्षारोपण गर्दै लाने स्थानीय नगर स्काउटको तदर्थ समिति संयोजक रोशन बुढाथोकीले जनाउनु भयो ।
