पथरी शनिश्चरे । पथरी शनिश्चरे ४ मा जातिय छुवाछुत तथा भेदभाव अपराध हो भन्ने सचेतना जगाउने खालका जनचेतनामुलक होडिङ बोर्ड स्थापना गरिएको छ ।
वडा नं. ४ का विभिन्न १० ठाउँमा सो बोर्ड स्थापना गरिएको दलित सेवा संघ ४ नं. का अध्यक्ष विशाल बर्देवाले बताए । उनले सो बोर्डहरु ४ नं. वडा कार्यालय अगाडि, बुद्ध मावि सोमबारे, कुशल बजार क्षेत्रमा, शिरीरे डाँडा सरस्वती आधारभूत विद्यालय अगाडि, पिङडाँडा चोक (शनिश्चरे), पाभिभारा टोल, बकैँना डाँडा मंगलबारे, किर्तिपुर चोक, सम्झना चोक र जनकल्याण विद्यालय अगाडि स्थापना गरेको जानकारी दिए ।
लामो समयदेखि दलित समुदायलाई विभेद गरिदैँ आइएको छ । कानुनबाट विभेद गर्नेलाई कानुनी कारबाहि गरिने भनेर निति बनाएपनि व्यवहारिक तरिकाले विभेद नहटेको स्पष्ट रुपमा देख्न सकिने बताए । सो कुराहरुलाई व्यवहारबाट पनि चाडैँ हटाउने उद्धेश्यका साथ यस कार्यक्रमको संचालन गरेका बताए ।वडा अध्यक्ष गोविन्द भण्डारीले भने ‘जातिय विभेद समाजलाई नकरात्मक तर्फ डोहो¥याउने कुरुती हो, यसलाई निमुल पार्नका लागि हामी सबै एकजुट भएर लाग्नुपर्छ’ । सो बोर्डमा जातिय घमण्डी नबनौँ, मानव हौं मानवसँग मानवताको व्यवहार गरौँ, जातिय छुवाछुत तथा भेदभाव अन्त्य गरौँ लगायतका जनचेतनामुलक नारा प्रस्तुत भएका छन् । कार्यक्रम दौरानमा वडाका प्रतिनिधीहरु, समितीका पदाधिकारी, दलित अभियान्ता एवम् समाजसेवि राजकुमार विश्वकर्मा लगायतको उपस्थिती रहेको थियो ।
