गणेश पोख्रेल । मोरङ । कोरोना तिब्ररुपले बढीरहेका बेला त्यसलाइ नियन्त्रण तथा रोकथाम गर्न भन्दै संघीय सरकारले पठाएको स्वास्थ्य सामाग्री सुन्दरहरैँचा नगरपालिकामा आइपुगेको छ । मोरङको सुन्दरहरैचाका जनताका लागि मात्र प्रयोग हुने गरि मंगलबार उक्त सामान आइपुगेको हो । संक्रमण रोकथाम र नियन्त्रणका लागि आएको स्वास्थ्य सामाग्रीहरु दुइ थान थर्मल गन, एकथान अक्सोमिटर, पिपिइ सेट १० थान, एन नाइन्टी फाइब मास्क ५० थान र सर्जिकल माक्स ५०० थान आइपुगेको सुन्दरहरँैचाका प्रमुख शिव प्रसाद ढकालले जानकारी दिए ।
दुइलाख भन्दाबढी जनसख्या भएको यस नगरपालिकामा कोरोना संक्रमणको दर तिब्र रूपमा वृद्धि भइरहेको छ । नियन्त्रण गर्न समस्या भइरहेको बेला संघीय सरकारले पठाएको स्वास्थ्य सामग्रीले कोराना नियन्त्रणका लागि केहि राहत मिले पनि पर्याप्त नहुन प्रमुख ढकालले बताए । भाषण र आश्वासनले मात्र महामारी नियन्त्रण नहुने बताउदँै सबै तहका सरकार सजक र जिम्मेवार बन्नुपर्ने उनले बताए । संघीय सरकारले पठाएको सामाग्री हालको बिषम परिस्थितिमा अपर्याप्त भएको भन्दै प्रदेश सरकार पनि गैरजिम्मेवार बनेको गुनासो गरे ।
