पथरी शनिश्चरे । पथरी शनिश्चरे वडा न. ४ ले स्वास्थ्य मापदण्ड तथा सामाजिक दूरी कायम गरी मंगलबार वडाका १३ घरपरिवारलाई जस्तापाता वितरण गरेको छ । फुसको छाना हटाउ अभियान अन्तर्गत वडाले छुट्याएको एक लाख ५० हजार बजेट बाट वितरण गरीएको हो । उक्त बजेट उपभोक्ता समिति निर्माण गरी वडासंगको समन्वयमा १३ घर परिवारलाई साढे १३ बन्डल जस्तापाता वितरण गरीएको हो ।
त्यसैगरी वडाको बिउ अनुदान शीर्षक अन्तर्गत विनियोजित बजेट १ लाख बाट वडाका ७५ कृषक परिवारलाई रन्जित उन्नत जातको धानको बिउ वितरण गरीएको छ । २५ कठ्ठा भन्दा कम खेत हुने कृषकलाई प्रति कठ्ठा १ के.जी र २५ भन्दा माथि हुनेलाई एकमुष्ट ३० के.जी का दरले बिउ वितरण गरीएको वडा अध्यक्ष गोविन्द बहादुर भण्डारीले जानकारी दिए ।
