पथरी शनिश्चरे । मोरङ्को पथरी शनिश्चरे नगरपालिका कार्यालयको प्रमुख प्रशासकीय अधिकृतमा लक्ष्मीप्रसाद खरेलको बहाली भएको छ । रिक्त रहेको प्रमुख प्रशासकीय अधिकृतको पदमा आज बहाली भएका खरेललाइ निमित्त प्रमुख प्रशासकीय अधिकृत शालिग्राम काफ्लेको अगुवाइमा कार्यालयमा स्वागत गरिएको छ । २०५७ सालमा नायव सुब्बाबाट सेवा प्रवेश गरेका खरेल जिल्ला प्रशासन कार्यालय हुँदै जिल्ला मालपोत कार्यालय झापामा कार्यरत रहदा उपसचिवमा बढुवा भएपछि पथरी शनिश्चरेमा कार्यालय प्रमुखका रूपमा उनको बहाली भएको हो । उनले इमान्दारितापुर्वक जनताको सेवामा आफुलाइ समर्पित गर्ने बताए ।
