पथरी शनिश्चरे । स्वास्थ्य मापदण्डको पालना गर्दै मोरङको पथरी शनिश्चरेमा पत्रकारका लागि पत्रकार आचारसंहिता तथा कानूनी सचेतना तालिम सम्पन्न भएको छ ।पथरी शनिश्चरे नगरपालिका कार्यालय अन्तर्गत न्यायिक समितिको सहयोगमा कानेपोखरी मिडिया प्रालिको आयोजनामा सम्पन्न तालिममा नगर उपप्रमुख यमुना विष्ट वास्तोलाले सत्यतथ्य पत्रकारिताका लागि नयाँ पुस्ता अझ सजक रहनु पर्नेमा जोड दिइन३ । उनले नगरपालिका र पत्रकारहरुसँगको सहकार्यमा समग्र नगरको उचित विकास अघि बढ्ने पनि बताइन ।
दिनेश सुब्बाको अध्यक्षतामा सम्पन्न कार्यक्रममा प्रमुख अतिथि उपप्रमुख वास्तोला, नगर कार्यपालिका सदस्य भद्रमान विश्वकर्मा, तालिमका सहजकर्ता पत्रकार महेन्द्र विष्ट सहितले सहभागिलाई प्रमाणपत्र वितरण गरिन । ३ दिने तालिममा पत्रकार अगुवा यज्ञ शर्मा, महेन्द्र विष्ट र नगरका कानूनी सल्लाहकार अधिवक्ता दीपक राई सहितले तालिमको सहजिकरण गर्नुभएको थियो ।
