पथरी शनिश्चरे । स्वास्थ्य मापदण्डको पालना गर्दै मोरङको पथरी शनिश्चरेमा पत्रकारका लागि पत्रकार आचारसंहिता र कानूनी सचेतना तालिम सञ्चालन भइरहेको छ ।
पथरी शनिश्चरे नगरपालिका कार्यालयको सहयोगमा कानेपोखरी मिडिया प्रालिको आयोजनामा नगर कार्यपालिका सदस्य भद्रमान विश्वकर्मा, नगरका कानूनी सल्लाहकार अधिवक्ता दीपक राई, न्यायपालिकाका उजुरी प्रशासक विश्वमणि सुवेदी र पत्रकार अर्जुन जम्नेली राईको आतिथ्यतामा तालिम सुरु भएको हो ।
३ दिने तालिममा पहिलो दिन अधिवक्ता दीपक राई, दोस्रो दिन पत्रकार अगुवा यज्ञ शर्मा, र तस्रो दिन महेन्द्र विष्टले तालिमको सहजिकरण गर्नेछन् । तालिममा पथरीशनिश्चरेलाई कार्यक्षेत्र बनाई काम गरीरहेका पत्रकार र सञ्चारकर्मीको सहभागिता रहेको छ ।
