मिक्लाजुङमा जंगली हात्तीको आक्रमणबाट एक जनाको मृत्यु

मोरङ । मोरङको मिक्लाजुङ गाउँपालिका–६ थामीझोडामा सोमबार राति जंगली हात्तीको आक्रमणमा एक जनाको मृत्यु भएको छ । आक्रमण हुदा स्थानीय ५० वर्षीय यामबहादुर बोहोराको मृत्यु भएको हो ।

छिमेकीको घरमा टेलिभिजन हेरेर फर्किंदै गरेका बोहोरालाई तीनवटा जंगली हात्तीले आक्रमण गरेको जिल्ला प्रहरी कार्यालय मोरङका प्रमुख एसपी सन्तोष खड्काले जानकारी दिए । गम्भीर घाइते बोहोरालाई उपचारका लागि लैजाने क्रममा मृत्यु भएको उनले बताए ।