सनम रोक्का । कानेपोखरी । मोरङको पथरी शनिश्चरे–०८ मा स्थापित मंगलबारे–शुक्रबारे फुटबल क्लबको आयोजनामा प्रथम मंगलबारे शुक्रबारे खुल्ला नकआउट फुटबल प्रतियोगिता आयोजना हुने भएको छ ।
यसै क्लबका अध्यक्ष कमल लावतीका अनुसार यस प्रतियोगितामा प्रथम हुने टिमले ५१ हजार राशी प्राप्त गर्ने बताए। उनले दोश्रो हुने टिमले २५ हजार रुपैयाँ नगदसहित ट्रफी, मेडल र प्रमाणपत्र प्राप्त गर्ने जानकारी दिए। साथै, विभिन्न बिधामा उत्कृष्ट हुने खेलाडी र टिमलाई पनि आकर्षक पुरस्कार प्रदान गरिने जनाए ।
यहि माघ ३ गतेदेखी १० गतेसम्म सञ्चालन हुने सो प्रतियोगिताको अनुमानित लागत रु २ लाख ५० हजार हुने अनुमान गरिएको छ । सोमध्ये ५० हजार वडाले प्रदान गरेको छ भने अन्य रकम स्थानीय र वैदेशिक रोजगारीमा रहेका व्यक्तिहरुबाट सहयोग संकलन हुने क्रम जारी रहेको छ । प्रतियोगितमा स्थानीय क्लबसहित धरान, मधुमल्ला, बेलबारी , इटहरी, झापालगायतका समूहगरि ८ समूहले भाग लिने छन् ।
