लागुऔषध सहित ३ जना पक्राउ

मोरङ । मोरङका तिन छुट्टाछुट्टै स्थानहरुबाट आज दिउँसो लागुऔषध सहित ३ जना पक्राउ परेका छन् । लागुऔषध नियन्त्रण ब्युरो बिराटनगरबाट खटिएको प्रहरी टोलीले आज दिउँसो १ बजे बिराटनगर १६ बाट सुन्दरहरैचा नगरपालिका ११ का ३२ बर्षीय कुशल चौधरीलाई लुपिजेसिक ६ एम्पुल, एभिल ६ एम्पुल, डाईजेलाब ६ एम्पुल र फेनारगन ६ एम्पुल सहित पक्राउ गरेको हो । यसैगरी ईलाका प्रहरी कार्यालय रानीबाट खटिएको प्रहरी टोलीले पथरी शनिश्चरे नगरपालिका २ का २४ बर्षीय अनिके राईलाई बिराटनगर १६ बाट लुपिजेसिक ८ एम्पुल, एभिल ८ एम्पुल, डाईजेलाब ८ एम्पुल र फेनारगन ८ एम्पुल सहित आज दिउँसो १ बजे पक्राउ गरेको हो । यस्तै प्रहरी चौकी सिक्टीबाट खटिएको प्रहरी टोलीले पथरी शनिश्चरे नगरपालिका १ का २८ बर्षीय अनिश नेपालीलाई नाईट्रोभेट टयाब्लेट २३ पिस , ippl ६ एम्पुल , डाईजोल्याव ६ एम्पुल , फेनारगन ६ एम्पुल र एभिल ६ एम्पुल सहित पक्राउ गरेको छ । पक्राउ परेका तिनै जनाको सम्बन्धमा थप अनुसन्धान भईरहेको जिल्ला प्रहरी कार्यालय मोरङले जनाएको छ ।