झापा । झपाको कमल गाउँँपालिका–५ स्थित सडकखण्डमा जिपको ठक्करबाट एकजना साइकलयात्रीको मृत्यु भएको छ। पूर्व–पश्चिम राजमार्गअन्तर्गतको लभडाँडा सडकखण्डमा शनिबार बिहान ८ बजेतिर पूर्व जाँदै गरेको मे १ ज २००४ नम्बरको जिपले बाटो काट्दै गरेका कमल–६ का ५३ वर्षीय झुलानाथ खनाललाई ठक्कर दिँदा उनको मृत्यु भएको इलाका प्रहरी कार्यालय दमकका प्रहरी नायब उपरीक्षक विजयराज पण्डितले जानकारी दिए।
प्रहरी नायब उपरीक्षक पण्डितका अनुसार ठक्करबाट सख्त घाइते भएका खनालको दमकस्थित लाइफलाइन अस्पतालमा उपचारका क्रममा मृत्यु भएको हो। ठक्कर दिने जिप र त्यसका चालकलाई नियन्त्रणमा लिइएको छ।
