पथरी शनिश्चरे । मोरङको पथरीशनिश्चरे नगरमा कोरोना भाइरस संक्रमणका कारण रोकिएको अपाङ्गता परिचयपत्र वितरणको कार्य सूचालु भएको छ । अपाङ्गता परिचयपत्र स्थानीय समन्वय समितिमार्फत आज ८ जनालाई परिचयपत्र वितरण गरिएको छ । नगर उपप्रमुख एवम् समिति संयोजक यमुना विष्ट वास्तोला, प्रमुख प्रशासकीय अधिकृत अम्बिकाप्रसाद धमला, नगर अस्पतालका डाक्टर सावन मेहता सहितको टोली परीक्षणपछि परिचयपत्र वितरण गरेको हो ।
जसमा, पूर्ण अशक्त (रातो कार्ड) १ जनाले, अति अशक्त (नीलो कार्ड) २ जनाले, मध्यम अशक्त ( पहेंलो कार्ड) ३ जनाले र सामान्य अशक्त (सेतो कार्ड) २ जनाले प्राप्त गरेको महिला तथा बालबालिका शाखाकी कर्मचारी विमला अधिकारीले जनाउनु भयो । अस्पतालका डाक्टरहरुको प्रत्यक्ष परीक्षणमा अवस्थाको वर्गिकरण गरी नयाँलाई परिचयपत्र दिने र पुरानाको नवीकृत गर्ने काम नगरपालिकामार्फत हुँदै आएको छ । अव प्रत्येक महिनाको ३० गते परिचयपत्र वितरण हुने भएको छ ।
