पथरी शनिश्चरे । मोरङको पथरी शनिश्चरे ४ नम्वर वडा समितिमार्फत आजबाट उद्घोषण तथा सृजनशील सम्बन्धी ५ दिने तालिम सुरु भएको छ । स्थानीय नारी दिवश शिप विकास तथा ढाका तान उद्यमी महिला समितिको आयोजनामा ४ नम्वर वडाका महिलाहरुको क्षमता अभिबृद्धिका लागि आयोजित तालिमको वडाध्यक्ष गोविन्दबहादुर भण्डारीले उद्घाटन् गर्नुभयो । मन्तव्यका क्रममा उहाँले महिलाहरु अघि बढ्ने कुरामा वडाले सधैं सहयोग पुर्याउने बताए । तालिममा वडा सदस्य अम्बरबहादुर बराइली र तुलसा दर्जीको समेत उपस्थिती रहेको थियो ।
नगरपालिकाका सूचना सम्पादक भूपेन्द्रराज तिम्सिनाको मुख्य सहजिकरणमा सञ्चालित तालिममा २५ जना महिलाहरुको सहभागिता रहेको समिति अध्यक्ष लक्ष्मी भट्टराईले जनाउनु भयो । मंसिर २२ गतेसम्म सञ्चालन हुने तालिमको सहयोगी सहजकर्ताका रुपमा पत्रकार मोहन भट्टराई रहेका छन् ।
