झापा । दमकस्थित दकम अस्पतालको औषधि भण्डारण कोठामा शनिबार आगलागी भएको छ । आगलागीबाट करिब एक करोड बराबरको औषधिलगायतका सामग्री जलेर नष्ट भएको अनुमान गरिएको छ । विद्युत् सर्ट भई आगलागी भएको अस्पताल प्रशासनले जनाएको छ । अस्पताल प्रशासनका अनुसार करिब १ करोड बराबरको औषधिलगायतका सामग्री जलेर नष्ट भएको छ ।
आगलागी भएको थाहा पाउनेबित्तिकै दमक नगरपालिकाका दुई वटा दमकलको सहयोगमा आधा घण्टाभित्र आगो नियन्त्रणमा लिएकाले थप क्षति नभएको इलाका प्रहरी कार्यालय दमकले जनाएको छ । स्टोरको एसीबाट आगलागी सुरु भएको कर्मचारीले जनाएका छन् । आगलागीबाट औषधि, कपडा र अस्पतालका अन्य उपकरणहरू जलेर नष्ट भएको छ ।
