कानेपोखरी । कानेपोखरी गाउँपालिका वडा नम्बर ६ सुन्तोली टोलस्थित सुन्तोली युवा क्लबले शुभदिपावली र छठपर्वको अवसरमा आयोजना गरेको सुन्तोली च्यालेन्ज कप नकआउट फुटबल प्रतियोगिता अन्तर्गत पहिलो राउन्डको छैटौं दिन आज दुई वटा खेल भएका छन् ।
त्रिवेणी फुटबल क्लब पथरीशनिश्चरे १० र कानेपोखरी फुटबल क्लब बिच भएको पहिलो खेलमा १–० गोल अन्तरले त्रिवेणी फुटबल क्लब विजयी भएको छ। त्रिवेणीका लागि १९ औ मिनेटमा मिक्चेन दासले उत्कृष्ट गोल गरेका थिए। खेलको अन्य समय दुवै तर्फबाट राम्रो प्रयास भएपनि गोल भने हुन सकेन।
त्यस्तै, दोश्रो खेल अन्तर्गत मैनावारी फुटबल क्लब र बि सिक्सटिन फुटबल क्लब रिगुवा बिच भएको खेलमा २–१ गोल अन्तरले मैनावारी फुट बल क्लब विजयी भएको छ। मैनावारीका लागि २८ र ३७ औ मिनेटमा आर्दश लिम्बूले २ गोल गरेका थिए भने बि सिक्सटिनका लागि ४४ औ मिनेटमा सुमन राईले १ गोल फर्काएका थिए।
खेल हरेक दिनको १ बजेबाट सुरु हुने गर्दछ। भोलिको खेल अन्तर्गत पहिलो खेलमा पिपलडाँडा फुटबल क्लब र झिलझिले फुटबल क्लब भिड्ने छन् भने दोश्रो खेल अन्तर्गत सुन्तोली फुटबल क्लब सेट बि र कन्जनजंगा फुटबल क्लबका बीच प्रतिस्पर्धा हुने छ।
