कानेपोखरी । कानेपोखरी गाउँपालिका वडा नम्बर–४ मा दोश्रो अन्तर वडा फुटबल प्रतियोगिता २०७७ हुने भएको छ। वडा नम्बर ४ बयरबन कार्यालयको आयोजनामा यहि कार्तिक २२ गते भोलीदेखि २८ गतेसम्म फुटबल प्रतियोगिता हुन लागेको खेल आयोजक समितिका अध्यक्ष सुरेश गुरुङले जानकारी दिए । नेपालीहरुको महान चाड शुभ दीपावली तथा छठ पर्वलाई लक्षित गरि दोश्रो अन्तर वडा फुटबल प्रतियोगिता गर्न लागिएको गुरुङले बताए ।
उनका अनुसार यस प्रतियोगितामा कानेपोखरी गाउँपालिका वडा नम्बर ४ भरिका ८ टिमले सहभागीता जनाएका छन् । अन्तर वडा फुटबल प्रतियोगितामा बिजेता हुनेलाई रु १५ हजार रुपैयाँ र उपबिजेता हुनेलाई रु १० हजार नगद पुरस्कारसहित शिल्ड, प्रमाणपत्र तथा मेडल वितरण गरिने उनले बताए। खेल वडा नम्बर ४ को खोरियास्थित झोलुङ्गे पुल छेउको चौरमा हुनेछ। भोलि दिनको २ बजेबाट खेलको उद्दघाटनसंगै प्रतियोगिता सुरु हुँदैछ।
