कानेपोखरी । कानेपोखरी गाउँपालिका वडा नम्बर ६ सुन्तोली टोलस्थित सुन्तोली युवा क्लबले शुभदिपावली र छ्ठपर्वको अवसरमा आयोजना गरेको सुन्तोली च्यालेन्ज कप नकआउट फुटबल प्रतियोगिताको दोश्रो दिन विहिबार दुई वटा खेल भएका छ्न।
शिवालय फुटबल क्लब कानेपोखरी ६ र लालभित्ती फुटबल क्लब बिच भएको पहिलो खेलमा ३–० गोल अन्तरले शिवालय फुटबल क्लब विजयी भएको छ। निर्धारित खेलको १५,४० र ४५ औ मिनेटमा शिवालयका लागि सुशील नाल्वोले ह्याट्रीक गर्दै आफ्नो टिमलाई जित दिलाएका हुन् ।
त्यस्तै, दोश्रो खेल अन्तर्गत भाउन्ने फुटबल क्लब र विशाल फुटबल क्लब बिच भएको खेलमा ३–० गोलको अग्रता सहित भाउन्ने फुटबल क्लब बिजयी भएको छ। खेलको १९ र ४६ औ मिनेटमा सबिन राईले र ३५ औ मिनेटमा बिक्रम तामाङले आफ्नो टिमका लागि गोल गरेका थिए।
खेल हरेक दिनको १ बजेबाट सुरु हुन्छ। आजको खेल अन्तर्गत पहिलो खेलमा द रियल ब्रदस फुटबल क्लब र चिसाङ फुटबल क्लब भिड्ने छ्न भने दोश्रो खेल अन्तर्गत पप्रोगेशिप फुटबल क्लब र बुढा सुब्बा फुटबल क्लबका बीच प्रतिस्पर्धा हुनेछ ।
