असक्तहरुका लागि घर घरमा सामाजिक सुरक्षा भत्ता

पथरी शनिश्चरे । मोरङको पथरी शनिश्चरे १० नम्वर वडा कार्यालयले हिँडडुल गर्न नसक्ने वडाका असक्तहरुका लागि घर घरमा गएर सामाजिक सुरक्षा भत्ता उपलब्ध गराएको छ ।

चालु आर्थिक वर्षको प्रथम चौमासिक किस्ताका रुपमा आज(आइतबार) जिरिखिम्ती, ऐयावारी, चौकीडाँडा सहितका १८ जनाका लागि घरमै पुगेर भत्ता वितरण गरिएको हो । कार्यवाहक वडाध्यक्ष मैनादेवी फूँयल आचार्यको अगुवाईमा कुमारी बैंक पथरी शाखाका कर्मचारीहरुमार्फत भत्ता वितरण गरिएको हो । हिजो २ जनालाई यसखाले भत्ता वितरण गरिएको थियो ।