हाइवे फुटबल क्लब फाइनलमा प्रवेश - Pahilo Online

हाइवे फुटबल क्लब फाइनलमा प्रवेश

अर्को फाइनल टिमका लागि मंगलबारे शुक्रवारे र पौडेल चोक फुटबल क्लबका बीच प्रतिस्पर्धा हुदै, फाइनल पनि आजै हुने

writer

कानेपोखरी । कानेपोखरी गाउँपालिका वडा नम्बर ६ को नव दिप फुटबल क्लब दहिधापले बडादशै, शुभदिपावली र छठपर्वको पावन अवसरमा आयोजना गरेको नव दिप नकआउट फुटबल प्रतियोगिताको आठौं दिन शनिवार क्वाटरफाइनल अन्तर्गतको १ र सेमिफाइनलको १ वटा खेल भएका छन् ।

क्वाटर फाइनल अन्तर्गतको अन्तिम खेल नव दिप फुटबल क्लब कानेपोखरी ६ दहिधाप र मङलबारे शुक्रबारे फुटबल क्लबका बिच भएको खेलमा ४–० गोल अन्तरको जीत निकाल्दै मङलबारे शुक्रबारे फुटबल क्लब सेमिफाइनलमा प्रवेश गरेको छ । निर्धारित २५–२५ मिनेटको समयावधि खेलको १५, २२, ३४ र ४५ औ मिनेटमा मङलबारे शुक्रबारेका लागि क्रमशःअजय धिमाल, पन्चु नुनिया, सुरोज राउत र सौराज राउतले गोल गर्दै जीत दिलाएका हुन्।

त्यस्तै, दोश्रो खेल फाइनलका लागि सेमिफाइनल खेल अन्तर्गतको पहिलो खेल लालभित्ती फुटबल क्लब र हाइवे युथ फुटबल क्लब पथरी शनिश्चरे–०१ का बिच भएको खेलमा २–१ गोलको अग्रता सहित हाइवे फुटबल क्लब फाइनलमा प्रवेश गरेको छ। खेलको २२ औ र ४० औ मिनेटमा क्रमश निमन लिम्बू र असिम राईले गोल गर्दै हाइवे क्लब क्लबलाई जीत दिलाएका थिए। खेलको ४५ औ मिनेटका लालभित्तीका लागि रन्जन मगरले गोल गर्दै नतिजालाई २–१ मा पु¥याएका थिए।

आज विहान फाइनल प्रवेशका लागि मंगलबारे शुक्रवारे फुटबल क्लब र पौडेल चोक फुटबल क्लबका बीच प्रतिस्पर्धा हुँदैछ । प्रतियोगिताको फाइनल खेल पनि आजै दिउसो गराइने आयोजकले जनाएको छ ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • सूचना विभाग दर्ता नं. १३५१–०७५–७६
  • प्रेस काउन्सिल सूचिकृतः १७१९–२०७६
  • पथरी-शनिश्चरे–१, मोरंग
  • सम्पर्क:  ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2024 Pahiloonline pvt ltd. All Rights Reserved.

Design / Developed by Thbytes