कानेपोखरी गाउँपालिका वडा नम्बर ६ को नव दिप फुटबल क्लब दहिधापले बडादशैं, शुभदिपावली तथा छैटपर्वको शुभ अवसर पारी आयोजना गरेको नव दिप नकआउट फुटबल प्रतियोगिताको तेस्रो दिन आज आइतबार २ वटा खेलहरु भएका छ्न।
द रियल ब्रदस फुटबल क्लब र रियल स्टार फुटबल क्लब कानेपोखरी ५ भौसाबारी बिच भएको पहिलो खेलमा ३–० गोल अन्तरले द रियल ब्रदस फुटबल क्लबले विजयी भएको छ । निर्धारित २५/२५ मिनेट समयावधि खेलमा सेनेहाङ लिम्बू, घनश्याम चौहान, समीर याख्खा १/१ गोल गर्दै आफ्नो टिमलाई विजयी तुल्याएका हुन् ।
त्यस्तै, दोश्रो खेल अन्तर्गत कानेपोखरी फुटबल क्लब र सप्तरङ्गी युथ फुटबल क्लब बिच भएको खेलमा ५–० गोलको अन्तर सहित कानेपोखरी फुटबल क्लब बिजयी भएको छ। खेलको निर्धारित मिनेटमा अशोक बस्नेत र सुरज थापाको २/२ गोलसंगै अनिस तामाङले १ गोल गर्दै आफ्नो टिम कानेपोखरी फुटबल क्लबलाई जित दिलाएका थिए। खेलमा १८ टिमको सहभागीता रहेको छ।