विराटनगर । नाका बन्द हुदा पनि लुकिछिपि भारतीय बजार पुगेर फर्किएका नेपाली नागरिकलाई प्रहरीले नियन्त्रणमा लिएर क्वारेन्टिनमा राख्न थालेको छ । दैनिक कोरोना संक्रमित बढे पनि अटेर जानेहरूलाई नियन्त्रणमा लिन थालिएको नेपाल प्रहरीले जनाएको छ । चोर बाटो भएर नेपालको सीमावर्ती बजार जोगबनी पुग्ने नेपालीहरूलाई सीमामा खटिएका प्रहरीले नियन्त्रणमा लिएर क्वारेन्टिनमा राख्न थालेको हो ।
सीमा नाका सिल हुँदा पनि जोगबनी पुगेर फर्किएका ८५ जनालाई नियन्त्रणमा लिएको हो । शनिबार ४५ जनालाई नियन्त्रणमा लिइएको थियो भने आइतबार ४० जनालाई नियन्त्रणमा लिएको मोरङका प्रहरी प्रमुख एसपी सन्तोष खड्काले जानकारी दिए ।
