मोरङ । नेपालमा गएको २४ घण्टामा तीन हजार चार सय ३९ जनामा कोरोना भाइरसको सङ्क्रमण पुष्टि भएसँगै सक्रिय सङ्क्रमितको सङ्ख्या २५ हजार सात पुगेको हो । अहिलेसम्म ९४ हजार दुई सय ५३ जनामा कोरोना सङ्क्रमण भएकोमा ६८ हजार ६ सय ६८ जना निको भएसँगै सक्रिय सङ्क्रमितको सङ्ख्या २५ हजार नाघेको स्वास्थ्य तथा जनसङ्ख्या मन्त्रालयले जनाएको छ ।
बुधबार १४ हजार दुई सय नौ जनाको पीसीआर परीक्षण गरेकोमा ३४ सय ३९ जनामा कोरोना पुष्टि भएको छ । यो सङ्ख्या दैनिक विवरणमा अहिलेसम्मकै धेरै हो । यस्तै बुधबार १५ जनाको ज्यान गएसँगै ज्यान गुमाउनेको सङ्ख्या पाँच सय ७८ पुगेको छ ।
