भोजपुर । एकल बस्दै आएका भोजपुर नगरपालिका–२ हेलौछाका वीरबहादुर तामाङले ९४ वर्षको उमेरमा नागरिकताको प्रमाणपत्र पाएका छन। तामाङलाई बुधबार प्रमुख जिल्ला अधिकारी वसन्तराज पुरीले नागरिकताको प्रमाणपत्र हस्तान्तरण गरेका हुन्। नागरिकता नहुँदा राज्यबाट पाउने सेवा सुविधाबाट बञ्चित हुँदै आएका थिए।
तामाङलाई वडा कार्यालयको सिफरिस तथा स्थानीय अधिकारकर्मीको पहलमा नागरिकता वितरण गरिएको हो। परिवार अन्य सदस्य कोही नभएका तामाङ उमेर हुँदासम्म दैनिक ज्यालादारीमा काम गर्दै आएको तर अशक्त भएपछि घरमै थलिएर बस्दै आएको स्थानीयले बताएका छन्। वृद्ध अवस्थामा भए पनि नागरिकतामा पाएको भन्दै बृद्ध तामाङले खुसी व्यक्त गरे।
