सुनसरी । सुनसरी हरिनगर गाँउपालिका २ भुटाहा सिसुवा धरमपुर सडक खण्डबाट ३ जना मानिसहरु बिना इजाजतको औषधि सहित पक्राउ परेका छन । पक्राउ पर्नेमा हरिनगर १ का ३७ बर्षीय अख्तर मिया, २२ बर्षीय एहरमान अंसारी र ३२ बर्षीय मुख्तर आलम रहेका छन । विशेष सुराकका आधारमा खटिएको प्रहरी टोलीले उनिहरुलाई बुधबार विहान पक्राउ गरिएको जिल्ला प्रहरी कार्यालय सुनसरीले जनाएको छ ।
साथै पक्राउ परेकाहरुको साथबाट बिना इजाजतको औषधि Nimos-p-२९८० ट्याब्लेट, vibel-४९८० क्याप्सुल, Zenegra Red-८०० ट्याब्लेट ,Nitravet-६० ट्याब्लेट, Spasmo proxyvon -८ ट्याब्लेट, laboat-syrinj Injecrion-४३ थान, पुरुष जिवन क्याप्सुल-१२०, Dermikem oc- १९५ थान मलम, Cetsol Tablet -१२,०००, pantoprazole Gastro resistant-७९० क्याप्सुल, Acelorlam sp-४०० ट्याब्लेट , P40-D-३५९० ट्याब्लेट र KT5 Dermcream- ८४ वटा मलम बरामद गरिएको छ । पक्राउ परेका तिनै जना मानिस र बरामद गरिएको बिना इजाजतको औषधि आवश्यक कारवाहिको लागी औषधी बिभागको कार्यालय बिराटनगर पठाईएको उक्त कार्यालयले जनाएको छ ।
