कानेपोखरी । कानेपोखरी गाउँपालिकामा पुनः एकजना ४७ बर्षिय पुरुषमा कोरोना संक्रमण पुष्टि भएको छ। विराटनगरस्थित न्युरो हस्पिटलमा उपचारको क्रममा भदौ १४ गते उनलाई कोरोना पुष्टि भएको हो। वडा न.३ निवासी उनमा साउन २८ गते खुट्टा सुनिन्ने समस्या भएपछी कानेपोखरी ६, रमाइलोको कंकालिनी क्लनिकमा लगिएको थियो। सोही दिन पथरीको एक हस्पिटल लगेपश्चात उतैबाट बिपि प्रतिष्ठानमा लगेर १ दिन राखेपछी फेरि उनलाई साउन २९ गते विराटनगरनगरको न्युरो हस्पिटलमा भर्ना गरियो।
केहिदिनको न्युरो बसाईपछी उनको स्वाब संकलन गर्दा भदौ १४ गते उनमा कोरोना संक्रमण देखिएको कानेपोखरी स्वास्थ्य प्रमुख रोहिन्द्रकुमार राजभण्डारीले बताए। संक्रमीत हाल न्युरो हस्पिटलको आईसोलेसनमा रहेको पनि उनले जानकारी दिए। हालसम्म कानेपोखरीका ६ जनामा कोरोना संक्रमण देखिएको छ भने रमाइलोस्थित जनसेवा मावीको क्वारेन्टाइनमा आज दुईजना भारतबाट आएका थपिएसंगै क्वारेन्टाइनमा बस्नेको संख्या ७ पुगेको स्वास्थ्य प्रमुख राजभण्डारीले बताए ।
