कानेपोखरी । मोरङ कानेपोखरी–३ को कोरोना संक्रमित एकजना पुरुषको कन्टयाक ट्रेसिङ्गमा परेका १६ जनाको पीसिआर परीक्षण रिपोर्ट नेगेटिभ आएको छ । गत विहिबार संङ्क्रमित पुरुषको परिवार र छिमेकीको स्वाब संकलन गरी पीसिआर परीक्षणको लागि विराटनगर पठाएको थियो । मंगलबार ४ दिन पछि १६ जनाकै पीसिआर रिपोर्ट नेगेटिभ आएको हो ।
नेपाल विद्युत प्राधिकरण रंगेली वितरण केन्द्रमा कार्यरत सो पुरुषलाई साउन ३० गते शुक्रबार कोरोना संङ्क्रमण देखा परेको थियो । कोरोना पृष्टी भएपछि वडाकार्यालयले वडा सिल गरेको थियो । संङ्क्रमित युवालाई रंगेली नगरपालिकाको आइसोलेशन वार्डमा राखिएको छ ।
त्यसैगरी वडा नं. ४ स्थित बयरवन बजारमा पनि भदौ ३ गते बुधबार ८५ बर्षीय एक बृद्धमा कोरोना पोजेटिभ पृष्टी भएको थियो । वडा नं. ४ पनि कोरोना पोजेटिभ देखिएपछि वडाकार्यालयले अनिश्चितकालिन वडाशिल गरेको छ । कोरोना संङ्क्रमित बृद्धको कन्ट्याक ट्रेसिङ्गमा परेका छिमेकीहरुको पनि आज आएको १६ जनाको रिपोर्ट भित्रै नेगेटिभ आएको स्वास्थ्य संयोजक रोहिन्द्रकुमार राजभण्डारीले बताए । कोरोना संङ्क्रमित बृद्ध अहिले आफ्नै घरमा होम आइसोलेशनमा बसेका छन् ।
