कानेपोखरी । कानेपोखरी गाउँपालिका एक पुरुषमा कोरोना संक्रमण पुष्टि भएको छ। कानेपोखरी ४ बयरबनका ८१ वर्षिया वृद्धमा बुधबार कोरोना पोजेटिभ देखिएको हो। स्वास्थ्यमा समस्या आएपछी कोराना आशङ्कामा भदौ १ गते प्रदेश कोभिड ल्याब बिराटनगरमा गरिएको परिक्षणको रिपोर्ट पोजेटिभ आएको हो। संक्रमित अहिले कोशी अस्पतालको आईसोलेसनमा नै रहेको पनि कानेपोखरीका स्वास्थ्य संयोजक रोहिन्द्रराज भण्डारीले बताए ।
अहिले कोरोना संक्रमण रोकथाम तथा नियन्त्रणको लागि कानेपोखरी गाउँपालिका भदौ ७ गतेसम्मको लागि लकडाउन गरिएको छ साथै कानेपोखरी ४ मा समुदायस्तरमै कोरोना फैलिन थालेपछी चाडैं छलफल गरि आवश्यक भएमा वडा शिल गर्नेपनि वडाअध्यक्ष धनबहादुर राईले जानकारी दिए। हाल वडा नम्बर ३ मा केही दिन अगाडि संक्रमित भेटिएपछी शिल गरिएको छ।
