भोजपुर । षडानन्द नगरपालिका ९ किमालुङका अमृतबहादुर श्रेष्ठको घरमा बुधवार राती आगलागी भएको छ । आगलागीबाट ढुंगा माटोले बनेको श्रेष्ठको तीन तले टाडे घर पुर्ण रुपमा जलेर नष्ट हुदा ३० लाख बराबरको क्षति भएको जिल्ला प्रहरी कार्यालय भोजपुरका प्रहरी निरिक्षक प्रदिप लामाले बताए ।
आगोले घरमा रहेको दुई लाख नगद, १५ मुरी मकै, २० क्विन्टल आलु, लत्ता कपडा, भाडावर्तन, काठपातलगायत सामाग्री जलेको पीडित श्रेष्ठले जानकारी दिए । राती लागेको आगो विहिवार विहान ४ बजे निभाईएको स्थानियले बताएका छन् ।