शनिश्चरे । मोरङको पथरीशनिश्चरे वडा नं. ४ मा विद्युत भोल्टेज कम भएका स्थानमा ट्रान्सफर्मर जडान गरिएको छ । विद्युत भोल्टेज कम भई वडावासीलाई समस्या परिरहेको अवस्थामा वडाको पहलमा नेपाल विद्युत प्राधिकरण उर्लाबारी वितरण केन्द्रले ट्रान्सफर्मर जडान गरिदिएको हो ।
पथरीशनिश्चरे वडा नं. ४ को नयाँ सोमबारेमा ५० वाट क्षमताको ट्रान्सफर्मर जडान गरिएको वडाध्यक्ष गोविन्दबहादुर भण्डारीले जानकारी दिए । वडाध्यक्ष भण्डारीका अनुसार चारै जना वडा सदस्यहरु पहलमा वडाभरी विद्युत विस्तारको काम भइरहेको छ । उज्यालो अभियान अन्तरगत आगामी कार्यकाल भरीमा ४ नं. वडामा कुनै पनि स्थानका वासिन्दा अँध्यारोमा बस्नु नपर्ने भण्डारीको दावी छ । सोही अभियान अन्तरगत वडाध्यका साथै वडा सदस्यहरु खड्ग सुस्लिङ मगर, तुलसादेवी दर्जी, अमर बराईली र दिलु मगर अहोरात्र खटिइरहेको देख्न सकिन्छ ।
वडा नं. ४ का नया सोमबारेका अलावा नमुना चोक, कोसेली चोकसहित गरेर चार स्थानमा ट्रान्सफर्मर जडान गरिसकिएको नेपाल विद्युत प्राधिकरण वितरण केन्द्र उर्लाबारीका प्रमुख शिवराम यादवले जानकारी दिए । वडाबाट माग भए अनुसार अन्य स्थानमा पनि आवश्यकता हेरी ट्रान्सफर्मर र विद्युत जडान गरिने यादवले बताए ।
