सीमा र क्वारेन्टाइनमा खटिएका इलामका १६ जना सशस्त्रमा कोरोना

इलाम । सशस्त्र प्रहरी बल १ नं. गण इलाममा कार्यरत थप १६ जना प्रहरीमा कोरोना संक्रमण पुष्टि भएको छ। संक्रमित हुनेमा सीमा सुरक्षा र क्वारेन्टाइन व्यवस्थापनमा खटिएका जवान रहेका छन् । अन्तिम चरणको ३७ जनाको परीक्षणबाट उनीहरुमा कोरोना पुष्टि भएको स्वास्थ्य कार्यालय इलामका कोभिड फोकल पर्सन बिमल बरालले जानकारी दिए । योसँगै इलाममा ४७ सशस्त्रमा संक्रमण पाइएको छ। बिहिबार भेटिएका संक्रमितमध्ये १० जनालाई पूर्वाञ्चल विश्वविद्यालयको कोरोना अस्पताल गोठगाउँ र ६ जनालाई मेची अञ्चल अस्पताल लगिएको छ ।