उदयपुरमा भरुवा बन्दुक पड्किएर एकजनाको मृत्यु

उदयपुर । उदयपुरको लिम्चुङबुङ गाउँपालिका ५ जातेमा भरुवा बन्दुक पड्किएर एकजनाको ज्यान गएको छ । आफ्नै घरमा भरेर राखेको बन्दुक पड्किँदा स्थानीय विद्याराज राईको घटनास्थलमै ज्यान गएको जिल्ला प्रहरी कार्यालय उदयपुरका प्रमुख भिमबहादुर दाहालले बताएका छन् । घटनाबारे थप अनुसन्धान गर्न प्रहरी नायब उपरीक्षकको टोली घटनास्थलमा पुगेको प्रहरी उपरीक्षक दाहालले जानकारी दिए ।