विराटनगर । प्रदेश १ को प्रदेश सभाले बुधबार एकैदिन तीनवटा विधेयक पारित गरेको छ । प्रदेश बालबालिकाको अधिकारका सम्बन्धमा, प्रदेश औद्योगिक व्यवसाय सम्बन्धमा र प्रदेश सार्वजनिक सडकका सम्बन्धमा बनेको विधेयक पारित गरेको हो ।
प्रदेश सभाको बुधबारको बैठकमा सामाजिक विकासमन्त्री जीवन घिमिरेले बालबालिका सम्बन्धमा विधेयक प्रस्ताव गरेका थिए । यस्तै उद्योग, पर्यटन, वन तथा वातावरण मन्त्री जगदिश कुसियतले प्रदेश ओद्योगिक व्यवसाय सम्बन्धमा विधेयक प्रस्ताव गरेका थिए ।
भौतिक पूर्वाधार विकास राज्य मन्त्री अम्बिरबाबु गुरूङले सार्वजनिक सडकका सम्बन्धमा विधेयक प्रस्ताव गरेका थिए ।
