कानेपोखरी । चिसाङ खोलामा आएको बाढीको कारण विस्थापित भएका घर परिवारलाई कानेपोखरी गाउँपालिकाले राहत दिएका छन् ।
आइतबारनै गाउँपालिका अध्यक्ष ताराबहादुर काफ्ले र उपाध्यक्ष राजमती इङ्नाम, वडा नं। ५ का वडाध्यक्ष चरण गुरुङ, वडा नं। २ का वडाध्यक्ष सुशिल बुढाथोकी, नेकपा गाउँपार्टी अध्यक्ष भोला अधिकारी, राष्ट्रिय युवा संघ मोरङका अध्यक्ष नविन पौडेल, राष्ट्रिय युवा संघ कानेपोखरीका अध्यक्ष कुमार फुयल लगाएतका टोली राहत लिएर बाढीपीडितकोमा पुगेका थिए ।
गाउँपालिकाले १ बोरा चामल, १ थान त्रिपाल, ओछयाउँने म्याड, नुन, तेल र पकाउने भाडाकुडा लगाएत सामाग्रीहरु बाढीपीडितलाई दिएका थिए । गाउँपालिका अध्यक्ष काफ्लेले यो पहिलो चरणको राहत भएको बताएका छन् ।
