पथरी शनिश्चरे । विश्व महामारीको रुपमा फैलिरहेको कोरोना भाईरसका कारणले लाखौं मानिसहरुले ज्यान गुमाईसकेका छ्न।कोरोनाको संम्भावित जोखिमबाट बच्न मास्क र सेनिटाईजर प्रयोग गर्नु निकै आवश्यक रहेको छ।
यहि कुरालाई मध्यनजर गर्दै सोमबार पथरीशनिश्चरे नगरपालिका-०१ निवासी सामाजिक अभियान्ता अरुण राईले कानेपोखरी गाउँपालिका-६ मा स्थापित सरस्वती आधारभूत बिद्यालयलाई मास्क र सेनिटाईजर प्रदान गरेका छ्न। बर्षौदेखि विभिन्न सामाजिक कार्यमा अग्रसर रहदै आएका अरण राईले २०० थान मास्क र १ लिटर सेनिटाईजर स्कुललाई हस्तान्तरण गरेका हुन।
२०४४ सालमा स्थापना भएको सरस्वती स्कूलको गुणस्तर सुधार र भौतिक पूर्वाधार स्तरोन्नति गर्न भूतपुर्व विद्यार्थी,शिक्षकहरू संगसगै बिद्यालयसंग सम्बन्धित व्यक्तीहरु लागि परेपछि अहिले स्कुलको मुहार परिवर्तन भएको छ। हाल १ देखि ५ सम्म अध्यापन गराईरहेको स्कुलले यस शैक्षिकसत्रदेखि १ देखि ३ सम्म अङ्ग्रेजी माध्यमबाट र आगामी सत्रमा ४ र ५ लाई पनि अङ्ग्रेजी पद्धतिमा लाने स्कुल व्यवस्थापन समितिका अध्यक्ष विबेक लिम्बुले बताए।
