पथरीशनिश्चरे । मोरङको पथरीशनिश्चरेलाई कार्यक्षेत्र बनाएर सञ्चार क्षेत्रमा योगदान दिदै आएको एक सञ्चार संस्था र एकजना पत्रकारलाई पथरीशनिश्चरे पुरस्कार प्रदान गरेको छ ।
०६४ सालदेखि प्रकाशित अनमोलमणिलाई नगद २५ हजार सहित ‘उत्कृष्ठ सञ्चार माध्यम पुरस्कार २०७७’ प्रदान गरिएको छ । त्यस्तै, हाल ब्लाष्ट टाइम्स र निगारानी टाइम्समा आबद्ध ०६५ सालदेखि पत्रकारितामा क्रियाशील दिनेश सुब्बालाई १५ हजार नगद सहित ‘उत्कृष्ठ पत्रकारीता पुरस्कार २०७७’ प्रदान गरिएको हो ।
प्रदेश १ का सांसद कृष्णकुमारी राई, नगर उपप्रमुख यमुना विष्ट वास्तोला, प्रमुख प्रशासकीय अधिकृत अम्बिकाप्रसाद धमला, उपसचिव शालिग्रामक काफ्ले सहितले अनमोलमणिका प्रकाशक सन्तोष राई र ब्लाष्ट टाइम्सका पत्रकार दिनेश सुब्बालाई नगद सहित प्रशंसापत्र प्रदान गरेका थिए । नगरपालिकाको सहयोग र मिडिया प्रवद्र्धन समितिको समन्वयमा प्रदेश भिजन प्रालिले पुरस्कार वितरण सहित ‘पत्रकार आचारसंहिता, नयाँ प्रविधिको विकास र त्यसको प्रयोग सम्बन्धी १ दिने तालिम तथा लेखनबृत्ती र पुरस्कार वितरण कार्यक्रम’ आयोजना गरेको हो ।