मोरङ । विराटनगरमा तीन दाजुभाई मिलेर एक जनालाई छुरा प्रहार गरेका छन् । महानगरको ५ नम्बर वडा स्थित कोचाखालका सन्तोस कामतलाई सोहि ठाउँका एकै परिवारका तीन दाजुभाई मिलेर छुरा प्रहार गरेको वडा प्रहरी कार्यालय विराटनगरका डीएसपी वेदप्रसाद गौतमले बताएका छन् ।
कामतमाथि छुरा प्रहार गर्नेमा छिमेकी १९ वर्षीय सुरज, २८ वर्षीय गोविन र ३८ वर्षीय लालबाबु राय रहेको डीएसपी गौतमले बताए । छुरा प्रहरार पछि भागेका उनिहरूलाई प्रहरीले विराटनगरका विभिन्न स्थानबाट पक्राउ गरेको छ । छुरा प्रहार पछि घाइते भएका कामतको विराट नर्सिङ होममा उपचार भइरहको डीएसपी गौतमले बताएका छन् ।
