कोरोना संक्रमित संख्या ११ हजार नाघ्यो, मृतको सँख्या पनि २ जना थपिए

काठमाडौं । बिहिबार थप ४३४ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार अहिलेसम्म संक्रमितको संख्या ११ हजार १ सय ६२ पुगेको छ । बिहीबार थप ३१२ जना डिस्चार्ज भएका छन् । डिस्चार्ज हुनेको कुल संख्या २ हजार ६ सय ५० पुगेको छ । मन्त्रालयका अनुसार कोरोनाका कारण थप दुईजनाको मृत्यु भएको छ । मृत्यु हुनेमा स्याङ्जाका एक जना पुरुष र चितवनका एक पुरुष रहेका छन् । यो संगै कोरोना संक्रमणका कारण २६ जनाको मुत्यु भएको छ । नेपालका ७६ जिल्लामा संक्रमण फैलिएको छ ।

प्रदेश १ का ७० जना कोरोना संक्रमित बिहीबार निको भएर घर फर्केका छन् । पूर्वाञ्चल विश्वविद्यालय कोभिड १९ आइसोलेसन सेन्टर गोठगाउँबाट ७० जना संक्रमित डिस्चार्ज भएका हुन् । मोरङका १२, झापाका २९, सुनसरीका २०, इलामका २, उदयपुरका ४, पाँचथर, भोजपुर र ताप्लेजुङका १र१ जना डिस्चार्ज भएको प्रदेश १ का सामाजिक विकास मन्त्रालयले जनाएको छ । प्रदेश १ मा हालसम्म ३ सय ५५ जना संक्रमित निको भएर घर फर्केका हुन् । यस प्रदेश संक्रमितको संख्या ५ सय ३ पुगेको छ ।