काठमाडौं । प्रतिनिधिसभा र राष्ट्रियसभाबाट सर्बसम्मत रुपमा पारित भएको संविधान संशोधन विधेयक राष्ट्रपति विद्यादेवी भण्डारीले प्रमाणीकरण गरेकी छिन् । लिम्पियाधुरा, लिपुलेक र कालापानी क्षेत्र समेटिएको नेपालको नयाँ राजनीतिक नक्सा राष्ट्रपतिबाट प्रमाणीकरण भएपछि संवैधानिक मान्यता पाएको छ ।
निशान छापमा नयाँ नक्सा अद्यावधिक गर्न सरकारले ल्याएको संविधान संशोधन विधेयकलाई प्रतिनिधिसभा र राष्ट्रियसभाबाट पारित भएपछि बिहीबार राष्ट्रपति विद्यादेवी भण्डारीले प्रमाणीकरण गरेकी हुन । प्रतिनिधिसभाबाट ३१ जेठमा सर्वसम्मत पारित भएको विधेयकलाई राष्ट्रियसभाले बिहीबार नै सर्वसम्मतिले पारित गरेको थियो ।
