धरान । धरान–१४ र धरान–४ लाई जोड्ने सेउतीको झोलुङ्गे पुलमुनि एकजना बालक मृत भेटिएको छ। १४ वर्षीय मनिराज राईको घटनाको वस्तुस्थिति मुचुल्काका आधारमा प्रहरीले विभिन्न कोणबाट अनुसन्धान थालेको छ ।
बुधबार बिहानै सेउतीको पुलमनि भेटिएका युवाको शव पोष्टमार्टमको लागि इलाका प्रहरी कार्यालय धरानले बीपी कोइराला स्वास्थ्य विज्ञान प्रतिष्ठानमा पठाएको छ । घटना के कसरी हुन पुग्यो भन्ने विषयमा प्रहरीले हत्या वा अन्य कारण पत्ता लगाउन विभिन्न कोणबाट अनुसन्धान थालेको हो । इलका प्रहरी कार्यलय धरानका डिएसपी ज्ञानेन्द्रबहादुर बस्नेतले टाउँकोको दाहिनेपट्टि चोट देखिएको छ र रगतसमेत जमेको अवस्थामा भेटिएको छ । उनले बाँकी अनुसन्धान पछि नै थाहा हुने बताए ।
धरान–४ नारेका भए पनि उनी र बुबा करिब ४ वर्षयता दिदीको घर धरान–१४ मा बस्दै आएका थिए । मृतक मनिराजले हातमा मोबाइलको कभर समातिरहेको अवस्थामा प्रहरीले शव फेला पारेको थियो । प्रातकालीन हिँड्नेहरूले युवाको शव देखिपछि प्रहरीलाई खबर गरेको थियो । घटनाको अनुसन्धान गर्न इलका प्रहरी कार्यलय धरानको टोली पुगेको थियो । टोलीले शव भएको स्थानको वस्तुस्थिति मुचुल्का तयार पारिसकेको छ ।
हत्या वा आत्माहत्या गरेको हो भन्ने बुझ्न सक्ने आधारहरू अहिलेसम्म फेला पर्न सकेको छैन । उनका आफन्त तथा नजिकबाट चिन्नेहरूलाई सोधपुछ गरिरहेको इप्रका धरानले जनाएको छ । आफन्तको भनाइ उदृत गर्दै इप्रका धरानका डिएसपी बस्नेतले ११ः३० बजेसम्म मोबाइलमा ‘गेम’ खेलिरहेको र बिहान त्यस्तो अवस्थामा भेटिएपछि आफन्त नै अचम्मित बनेको बताए । घटनास्थलदेखि मृतक मनिराज बसेको दिदीको घर ५० मिटरको दूरीमा पर्छ ।
