ओखलढुङ्गामा भरुवा बन्दुक सहित १ जना पक्राउ

ओखलढुङगा । ओखलढुङगाको सुनकोशी गाउँपालिका ४ का २६ बर्षीय युवराज राई १ थान भरुवा बन्दुक सहित पक्राउ परेका छन् । राईले मानेभञ्याङ गाउँपालिका ८ मा भरुवा बन्दुक लुकाई छिपाई राखेको भन्ने सूचना प्राप्त भए संगै मंगलवार दिउँसो प्रहरी चौकी हर्कपुरबाट खटिएको प्रहरी टोलीले राईलाई १ थान भरुवा बन्दुक सहित पक्राउ गरेको हो । पक्राउ परेका राईको सम्बन्धमा थप अनुसन्धान भईरहेको जिल्ला प्रहरी कार्यालय ओखलढुङगाले जनाएको छ ।