काठमाण्डौ । आज आइतबार थप दुई सय १३ जनामा कोरोना सङ्क्रमण पुष्टि भएको छ । योसँगै कुल सङ्क्रिमतको सङ्ख्या तीन हजार चार सय २८ पुगेको स्वास्थ्य तथा जनसङ्ख्या मन्त्रालयले जनाएको छ । आइतबार थपिएकामा दुई सय नौ जना पुरुष रहेका छन् भने चार जना महिला छन् ।
त्यस्तै पछिल्लो २४ घण्टामा एक सय दुई जना कोरोना सङ्क्रमित डिस्चार्ज भएको मन्त्रालयका प्रवक्ता डाक्टर विकास देवकोटाले जानकारी दिए । जसमा सय जना पुरुष छन् भने दुई जना महिला छन् । योसँगै कुल डिस्चार्ज हुनेको सङ्ख्या चार सय ६७ पुगेको छ, जसमा पुरुष तीन सय ९९ जना रहेका छन् भने ६८ जना महिला रहेका छन् । नेपालमा कोरोना सङ्क्रमणको कारण ज्यान गुमाउनेको सङ्ख्या १३ पुगेको छ ।
