प्रदेश सरकारको बजेटमा बन्ने सामुदायिक भवनको शिलान्यास

पथरीशनिश्चरे । मोरङको पथरी शनिश्चरे २ मा प्रदेश सरकारको बजेटमा बन्ने सामुदायिक भवनको आज (बिहिबार) शिलान्यास भएको छ । स्थानीय लक्ष्मीनारायण मन्दिर क्षेत्रमा बन्ने भवनको प्रदेश १ की सांसद कृष्णकुमारी राईले शिलान्यास गरेका हुन् ।

७० फिट लम्बाई र ३१ फिट चौडाईको भवनको हलको योजना अघि बढेको र सोको लागि चालु आर्थिक वर्षमा प्रदेश सरकारबाट २० लाख रुपैयाँ प्राप्त भएको मन्दिर समिति अध्यक्ष पार्थबहादुर बुढाथोकीले जानकारी दिए । जसमा उपभोक्ताबाट ४ लाख रुपैयाँ थप गरिएको छ ।

सम्पत्ती करको मुल्यांकनका विषयमा छलफल  

नगरपालिकाको राजस्व परामर्श समितिको बिहिबारको बैठकले आगामी आर्थिक वर्षको लागि सम्पत्ती करको मुल्यांकनका विषयमा छलफल अघि बढाइएको छ ।

नगर प्रमुख दिलीपकुमार राईको आतिथ्यतामा समितिकी संयोजक एवम् नगर उपप्रमुख यमुना विष्ट वास्तोलाको अध्यक्षताको बैठकले सम्पत्ती करको मुल्यांकनका विषयमा छलफल अघि बढाएको हो ।